روجينا وأشرف زكى
وكتبت روجينا: "لما أنا كنت صغيرة ومش فاهمة وبحبة وأنانية وعايزاة جنبى باستمرار وكانت كل مشاكلنا أول الجواز إنت بتفضل النقابة عليا يعنى ممكن يلغى معاد مهم ليا عشان رايح مستشفى أو بيحل مشكلة فى تصوير أو فيه واجب عزاء لغاية ما ربنا حب يعلمنى أو يأدبنى أو يربينى، ما هو تربيته أعظم تربية فيحصلى حادثة موت وأقعد فى المستشفى أربعين يوم ماهونش عليا غير أهلى والناس وزميلى ووقوفهم جنبى.. مكنش فيه حاجة اسمها وقت زيارة، الناس على طول موجودة والله على جبر الخاطر والناس بتطبطب عليك وأنت فى أشد الاحتياج لده، الناس دى ماكنتش بتجيلى أنا، كانت بتيجى لأشرف لأنها كانت بترد اللى بيعمله معاهم لأن هو كل سعادته فى الدنيا وهو بيساعد حد وهو واقف جنب حد وهو بيواسى حد وهو بيحل مشكلة لحد وعمرة ما فرق بين كبير وصغير".
واختتمت روجينا، رسالتها قائلة: "من ساعة الدرس ده اتعلمت أنه فيه حد فى الدنيا يبقى هو الأمان، السند، هو ده اللى هكلمة أول ما يحصلى حاجة، ده نقيبى أشرف زكى، واتعلمت كمان أن اللى بيعمله أشرف جوزى هيترد ليا أنا وبناتك وهيبقى فى ميزان حسناتك، هعيش أنا وبناتك فخورين بيك ياحبيبى ربنا يحفظك لنا ويديك الصحة وطولة العمر".
يذكر أن آخر أعمال روجينا كان مسلسلى "ضد مجهول، وكلبش 2"، وخاضت بهما السباق الرمضانى قبل الماضى وحققت من خلالهما ردود فعل إيجابية للغاية.
