منى زكى
وظهرت منى تمارس العديد من الأنشطة مع أبنائها، كالقيام بأعمال المنزل، أو أدائها للرياضة، أو حتى زرع النباتات.
وقالت منى زكى: "أنا عارفة إن إحنا كلنا الأيام دى قاعدين فى البيت، بس أكتر ناس هتحس بالكلام ده، اللى عندهم عيال، لو عندك عيال أكيد متبهدل ومتمرمط بشكل مش عادى".
وأضافت: "لإن قعدة البيت بتزهق الكبار قبل العيال، فأكيد الصغيرين هيزهقوا أكتر مننا، قعدت أفكر كتير إزاى هما يحاولوا يساعدونى، زى ما أنا ساعات بساعدهم فى حاجات يعنى".
شاهد الفيديو من هنا
وتابعت: "جه فى بالى أفكار كدة، إنى ممكن أعمل معاهم حاجات هما بيحبوها وأشاركهم فى حاجاتهم، علشان لما أطلب منهم يساعدونى فى البيت يبقى حاجة سهلة خالص، يلمعوا خشب بقا، يلمعوا الأرض، يلعبوا معايا رياضة وأنا بلعب علشان ميبقاش فى دوشة، ياريت انتم تشاركونى، وقولولى انتم بتعملوا ايه، وبتشغلوا وقت ولادكم ازاى".
