هنيدى : ولادى بيقلدونى على التيك توك.. ونجيب الريحانى أكتر شخص يضحكنى

وأضاف "هنيدى"، خلال حواره لـ برنامج " كلمة أخيرة" الذى تقدمه الاعلامية لميس الحديدى، على شاشة " ON"،:" خلصت تصوير فيلم "الإنس والنمس"، وشريف عرفة مدرسة كبيرة وشغله عبارة عن منظومة كل حاجة بتحصل فى وقتها وكل واحد واخد باله من شغله بجانب أنه شاطر جدًا، ولسه متحددش وقت للنزول ولكن إن شاء الله يكون فى إجازة نصف العام".

وعن وقت الحظر من انتشار فيروس كورونا، قال: أكيد الكورونا بتخوف وكنا فى الأول مانعين الخروج بالأخص فى أول شهرين وكنا واخدين كل الاحتياطات، وكانت اللمة حلوة فى أول 10 أيام ومبسوطين وبعد كده بقى ابتدع كل واحد فى غرفته، لغاية ما ربنا وسعها ونزلنا بقى وسبناها على الله".

وتابع: ولادى بيقلدونى في التيك توك، لكن مش بينزلوها، وأكتر حاجة عجبتنى منهم كانت لما عملوا مشهد خالتى نعيمة وحاجات فى وش إجرام ولقيتهم إلى حدا ما دمهم خفيف.

وأضاف محمد هنيدى، قائلا :" أكتر شخص بيضحكنى في الزمن الجميل الفنان الراحل نجيب الريحانى من خلال الـ 5 أفلام بتوعه، وفى كمان عظماء كتير مش عاوز أنسى حد، ولكن منهم فؤاد المهندس وعبد المنعم مدبولى وأمين الهنيدى، مرورا بالأستاذ عادل إمام وسعيد صالح وسيد زيان ومحمد نجم، إحنا عندنا كتير أوى أوى".

وعن علاء ولى الدين، قال: أنا عمرى ما حسيت أنه غاب لأن فى أى قعدة سيرته بتيجى والجمهور فاكره على طول وهو حالة جميلة قعدت معانا شوية ورحل ولكن فضل منه ذكريات وضحك وحاجات جميل، وأنا لما بزور أخوه معتز وأدخل غرفته بافتكر كل حاجة.