نيللى كريم : كنت بزوغ من المدرسة وأدخل السينما .. ومبزعلش لما بيقولوا نكدية

وتابعت خلال استضافتها مع الإعلامية وفاء الكيلانى فى برنامج "السيرة" المذاع على قناة dmc :"كنت بزوغ من المدرسة  فى روسيا مع صحابى فى الفصل ونروح السينما ونأكل آيس كريم، واتعلمت من الروس الالتزام والثقافة والصبر، وعلاقتى مع ماما ساعات نغضب من بعض وساعات نبقى كويسين".

وأضافت: "وأنا فى سنة أولى معهد بالية لما أنجبت ابنى الأول كريم وقاعدة فى البيت بغسل المواعين دخلت عليا وقلتلى وقفى اللى بتعمليه بلا كلام فارغ يالا روحى انزلى شغلك وهى اللى كملت المواعين كانت على طول بتساعدنى وتدينى نصائح".

وأوضحت نيللى: "لما جيت مصر ودخلت أكاديمية الفنون كنت عاوزة أدرس إخراج مسرحى وواجهتنى صعوبة جدا فى لغتى العربية كانت وحشة جدا والدكاترة كانوا بيسعدونى ويشجعونى".

وأكدت أنها لا تزعل وتغضب عند ربط اسمها بالنكد بعد العديد من أعمالها التى قدمتها ولكنها بالعكس تبتسم وتسخر من نفسها.

وسألت الإعلامية وفاء الكيلانى، النجمة نيللى كريم هل تحب تحويل سيرتها الذاتية إلى فيلم أم مسلسل، ردت قائلة: "حياتى تتعمل فى فيلم أو مسلسل لا سلسلة مسلسلات ومحبش وأفضل حياتى الشخصية تفضل لنفسى ومحدش يعرفها".

وتابعت، "ياريت بابا كان موجود جنبى ويشوف نجاحى، وأخويا وأمى ظهرى وأنا اتعودت أكون ظهر نفسى واعتمد على نفسى وكنت دلوعة بابا ولما يسألونى وأنا صغيرة تحبى تجوزى مين؟، أرد عليهم  اتجوز حد زى بابا، وخدت منه روحه وملامحه المصرية، وأهدى سيرتى لولدى لانه ملحقش يفرح بيا وبكل نجاحاتى".

وأضافت نيللى كريم، أن "جدها وجدتها حبوا مامتها جدا خاصة أنها تأقلمت بسرعة أثناء وجودها فى مصر، وماما قعدت في الأرياف مع جدى لأن بابا كان في الجيش وأنا اتولدت في الإسكندرية".