كريم عبدالعزيز مع الإعلامية وفاء الكيلانى
وتابع كريم عبد العزيز: "عمرى ماضربت أختى، وأكيد اتخانقت مع ولاد ورجالة زمان ومفيش خناقة ينفع الواحد يضرب بس، لازم أضرب وانضرب ده العادى".
وأضاف خلال لقائه في برنامج "السيرة" للإعلامية وفاء الكيلانى، المذاع على قناة DMC: "عملت حاجات كتير عشان أسافر أمريكا، ودخلت هناك مدرسة عسكرية وكانت في منتهى الشدة والعنف، ولكن مستحملتش هناك مش عشان السبب ده ولكن لأنى اكتشفت إنى راجل لا أصلح للغربة ولقيت أهلى وأصحابى وكل حاجة وحشانى ومقدرتش أعيش بره مصر، وادينى لما رجعت ربنا كرمنى آخر كرم".
وتابع: "والدى كان نفسه أدخل سياسة واقتصاد، وكان رافض دخولى تماما لمهنة التمثيل رغم إنه مخرج، لأنه كان شايف إن المهنة صعبة وقاسية ومش بالسهولة اللى الناس بتشوفها لأنها بتحتاج مجهود بدنى وذهنى، ولكن بعدما عملت مشروع مع زمايلى عشان دخول معهد السينما وشافه اقتنع وقالى مبروك واتوكل على الله".
وأضاف: "معرفتش أصيع كويس أيام المعهد لأن والدى كان بيدرسلى فيه، وهو كان راجل حاسم جدا ولو غلط هايضربنى رغم إنه كان أخف دم في العالم".
وتابع: "حصلت نفس فكرة الرفض منه لما قررت أدخل التمثيل بعدما اتخرجت من معهد سينما قسم إخراج، لأنى كمان مكنتش دارس تمثيل، وكان المخرج أحمد سمير فرج قالى إن في دور ليا، ولقيت نفسى أول ما وقفت قدام الكاميرا".
واستكمل: "بعد ما اقتنع والدى بى كممثل ومش عارف ليه معملناش حاجة سوا رغم إنها جت كذا مرة كنا هنعمل حاجة سوا، وكان حلمى إنه يخرج ليا لو شوت واحد زى ما أخرجلى وأنا صغير، وابنى على كربون منى وأنا صغير".
