شاهد.. أبو زهرة : قصة حبى لزوجتى ولا فى الخيال. وطلبت تبطل تمثيل بسبب غيرتى

وقال "أبو زهرة"، عن حبه لزوجته ببرنامج صاحبة السعادة للنجمة إسعاد يونس المذاع على قناة dmc : "قصة ولا فى الخيال ولما شوفت سلوى شىء ما تغير فى داخلى وكنا بنشتغل سوا وطلبت إنى أوصلها وكانت ساكنة فى مصر الجديدة".

وتابع :"وصلتها واستظرفتنى وقولتلها عاوز أقابلك وقولتلها يالا نتجوز وضحكت وقلتلى يالا تانى يوم، روحت خطبتها وبعد أسبوع اتجوزتها وكانت أسرع قصة حب وزواج".

وكشف عبد الرحمن أبو زهرة، أصعب لحظات حياته بعد وفاة زوجته، قائلا: "لحظة الموت اللى واجهتها فى حياتى موت زوجتى سلوى، الله يرحمها.. الفنان اللى عنده خيال بيتعذب كل شوية أفتكر كانت قاعدة هنا بنعمل سوا هنا وكان دمها خفيف جدا فى الكوميديا".

وسألته إسعاد يونس لماذا منعها من التمثيل بعد الزواج، وقال: "كنت بحبها أوى وغيور أوى وكنت بعشقها وكنت كل ما أروح المسرح اتفرج أغير عليها قولتلها وأقنعتها بلاش مسرح كل ما آجى مسرحية ليكى ينزلى اللوز، ثم بدأت بالتأليف وحست بمتعة أكتر من التمثيل فى التأليف".