صاحب الكلب المذبوح
وقال صاحب الكلب: �أنا نزلت مرة الشارع وكان معايا الكلب، وهو مش مترخص بس أنا مربية تربية عالية، مش هيأذى حد، وفي اليوم دا جرى ورا قطة فى الشارع، لقيت واحد بيقولى حوش الكلب بتاعك، فقولتله هو مش هيعمل حاجة، فحصلت مشاجرة بيننا، الكلب لما شاف الراجل بيضربنى جه وهجم عليه، بس أنا شيلته عنه ومضرهوش".
وأضاف: �الشخص اللى اتخانق معايا، اتصل بناس تبعه وفجأة لقيت نحو 40 واحد معاهم سلاح أبيض وجاين يتخنقوا معايا، وأنا لوحدى فسبت الكلب يجرى وراهم، وبالفعل جريوا من قدامه، وناديت عليه رجعلى تانى، وأول ما رجع الناس هجمت عليا فهو دافع عني وعض 8 منهم".
وأكد: "فوجئت تانى يوم إن الشخص دا وأصحابه قدموا بلاغ ضدى، وفضلت 4 شهور برا البيت عشان خايف البوليس يقبض عليا، وبعدها عملنا قاعدة عرفية وصالحت الراجل بس الناس اللى معاه اشترطوا عليا إنى أسلم لهم الكلب عشان يقتلوه، مقابل إنهم يتنزلوا عن المحضر، حاولت إرضائهم بأى حاجة تانية رفضوا".
وتابع: محمد باكيًا، "أنا مقدرتش أسلم لهم الكلب، واديته لواحد صاحبى سلمه للأهالى، وشفت اللى عملوه مع الكلب بعنيا ومقدرتش أعمله حاجة، مع أنه كان وفى ليا، كل ضربة نزلت عليه وجعتنى أنا".�
