عروسة المولد
كشف الأسطى سيد متولى، صاحب ورشة بدرب البرابرة، عن أسرار صناعة عرائس مولد النبى.
وقال متولى، وشهرته أبو سيف: "شغلتى الأساسية تصنيع معادن مولد النبى من العرايس والأحصنة، وكل تخصصاتها، أعمل منذ 8 سنوات فى هذا المجال، أكثر الأدوات استخداما هو سلك الترمسيون".
وأضاف: "أول حاجة بكسح السلك، وبعدين أقصه حسب الشغل والمقاسات، عن طريق المنجلة، وبعدين أظبطه على حسب حدود الشغل، وبشكله على شكل حصان أو عروسة أو مركب أو عربيات، وكل الأشكال دى بيركب عليها عرايس".
