قوات الشرطة المصرية
نعى الإعلامى محمد نشأت، شهداء الشرطة المصرية فى الاشتباكات التى اندلعت، الجمعة، مع عناصر إرهابية فى المنطقة المتاخمة للكيلو 135 بطريق الواحات غرب القاهرة.
وناشد نشأت، خلال برنامج "روق يومك" على الراديو 9090، المصريين بالدعاء من أجل شهداء الوطن، مضيفا: "ادعى لأب لسه مافرحش بابنه الظابط أو المجند وشافه عريس فى الكوشة، ادعى كمان لأم مستنية ابنها الوحيد اللى بيسأل عنها وشايف مصالحها وللأسف مش هيقدر يجيلها تانى، ادعى لعروسة مستنية خطيبها يرجعلها عشان يعملها فرحها اللى حلموا بيه طول عمرهم بس للأسف العريس ده سبقها وفرحه عملته الملايكة النهاردة فى السما واستقبلوه شهيد وعريس فى الجنة".
وتابع: "إحنا فى أقوى وأشرف حرب عاشتها مصر على مدار التاريخ".
وخصص الإذاعى الحلقة للحديث عن دور المواطن العادى فى هذه الحرب الضروس التى تقودها مصر لدحض الإرهاب.
