الموظف المصرى- تعبيرية
وقال نشأت: "أكتر حاجة بتميز الموظف المصرى، إنه صاحب جملة أنا خسارة فى الشغلانة دى، وتلاقيه بيضيع أول ساعتين فى الشغل فى هنفطر إيه وهنشرب إيه".
أما متابعو البرنامج فقالوا: "يميز الموظف المصرى الكرش، ده من كتر الأنتخة، والتكشيرة، وعمر موظف الحكومة ما بيطلب الورق كله مرة واحدة، والروتين، والكسل، والبدلة الصيفى والبطيخة والشاى".
وأشار نشأت إلى مقولة "محدش مبسوط فى شغله"، المشهورة بين الموظفين المصريين، قائلًا: "يعنى إيه شغل يخليك مبسوط، الشغل يعنى التكدير ووجع الدماغ، لكن ممكن تعيش لحظات انبساط عابرة، زى لحظة القبض مثلًا".
"الأسطورة بتقول مفيش موظف مرتبه مكفيه"، قالها نشأت قبل أن يؤكد أن المرتب يتبخر فى ثوانى، مفسرًا ذلك بأنه "معموله عمل فى رجل كرسى فى الشركة".
