أحمد حلمى
ونشر حلمى صوره له تجمعه بابنه، عبر حسابه على "انستجرام"، معلقًا: "جبل كبير ضخم كله قوة، وعلى قد قوته كانت حنيته.. عمرى ما أنسى كف أيده الدافئ وهو حاضن أيديا الصغيرة.. نينى عيننه اللى بيضحك لما بيبص فى وشى.. كنت بحس بالأمان لأنه مركز معايا وواخد باله منى.. لا شغل شاغله عنى ولا اهتمام كان ناقصنى.. حفظنى طريق مدرستى زى ماحفظنى أمشى فى أول خطوتى من الكنبة للترابيزة وهو بيشجعنى ومحاوطنى بدرعاته.. أنه أبى أنه أبويا أنه والدى أنه بابا".
وأضاف: "اللى زرعه أبويا من اهتمام وتواصل فرق معايا كتير.. أو بمعنى اأق خلانى أب اعرف اتعامل مع أطفالى.. شكرا يا ابى شكر دائم ومستمر مدى الحياة.. شكر اتمنى أنى استحقه وأسمعه من ابنى وبنتى لما يكبروا فأشكرك شكر تانى.. شكرا لكل أب بمناسبة عيد الأب.. وطبعا طبعا طبعا شكرا لكل ست لأنها هى اللى ولدت وربت كل طفله بقت أم وكل طفل بقى أب.. يونيسف الشهر ده بتحتفل بكل أب فى مصر وفى العالم كله.. نزّل صورتك مع ولادك أو صورتك مع والدك مع موقف فاكرة أثر فى تربية ولادك أو فى تربيتك وأنت صغير وأعمل تاج ليونيسف بهاشتاج #السنين_الأولى_بتفرق علشان تكونوا جزء من الحملة دى".
