عالصبحية| إيه الفرق بين المصيف زمان ودلوقتى؟

خصصت الإعلامية فاطمة مصطفى، الفقرة الأولى من برنامجها "عالصبحية"، المذاع على الراديو 9090، اليوم الثلاثاء، للحديث عن الفارق بين المصيف زمان والوقت الحالى.

وجاءت مشاركات المستمعين، كالتالى: "المصيف زمان كان كوييس لأنى كنت بروح لوحدى أما دلوقتى إنتى فاهمة، مفيش فرق غير القناديل، أكيد مصيف زمان أحسن لأن كان معانا ناس عزيزة علينا مبقتش موجودة دلوقتى وف نفس الوقت أسعار زمان كانت أقل من دلوقتى بكتير، أنا عن نفسى مرحتش مصيف فى حياتى فمش حقدر أوضح الفرق، المصايف دلوقتى بقى كلها قناديل البحر رغم أنها مكلفة جامد، المصيف زمان مكنش فى قنديل ودلوقتى طبعا كلنا عارفين عامل إزاى، زمان أحلى طبعا كفاية الزحمة كانت قليلة، مصيف زمان كان فى لمة العائلة وكان جميل ورخيص ومريح دلوقتى كل الشواطئ خطر النزول فيها وبقيت حمامات سباحة وغالية والشواطئ تقسمت لقرى سياحية".