إبراهيم عبدالجواد
وقال عبد الجواد خلال تغريدة له على موقع "تويتر"، "قلنا صالح مجمد لحين التزامه وكلامنا طلع صح، وقلنا إكرامى مستبعد من المشاركة كأساسى حاليا وكلامنا طلع صح، وقلنا كمان إن النصاب القانونى لعمومية اتحاد الكرة مش هيكتمل ومفيش انتخابات تكميلية وبرضه كلامنا طلع صح، يا ترى اللى شتم وتطاول لمجرد إن الخبر مش عاجبه عنده الشجاعة إنه يعتذر؟!".
وتابع "أى إنسان طبيعى مش هيفرح إن حد حصله حاجة وحشة، وكون إننا بنقول أخبار سيئة مش معناه إننا موافقين عليها أو فرحانين بها لأن مفيش بنى آدم طبيعيى هيفرح بالمشاكل، الموضوع كله إنك بتعمل شغلك وبتنقل الأخبار للناس وبتجتهد إن اخبارك يبقى لها مصداقية بعيد بقى هى هتعجب الأهلاوى ولا الزملكاوى".
وأوضح "عشان كده نفسى تقييم الخبر ميبقاش على حسب الانتماء، ولكن على حسب المصداقية، ودى حاجة بتبان بالتراكم، والناس ذكية بتعرف مين اللى بيجتهد عشان أخباره يبقى لها مصداقية حتى لو أخطأ، ومين اللى بيقول أخبار مفبركة لمجرد الفرقعة".
وأضاف "أخيرا اتعلمت واتربيت على إن مهما اختلفت مع حد فيه حدود مينفعش تعديها، الحدود ممكن تكون تعاليم دين/أصول/أخلاق أو حتى جدعنة، المهم يبقالك مرجعية فى تصرفاتك، إيه اللى يصح وإيه اللي ميصحش، لأن أسهل حاجة فى الدنيا إنك تغلط وتشتم بس أصعب حاجة إنك تكسب احترام اللى قدامك حتى لو اختلفت معاه".
