أيمن طاهر
كشف الكابتن أيمن طاهر حارس مرمى منتخب مصر، عن أحد المواقف الطريفة مع الراحل محمود الجوهرى، فى إطار استعدادات المنتخب لمونديال 90.
وقال طاهر خلال حواره مع الإعلامى إبراهيم فايق ببرنامج "90-18"، المذاع عبر الراديو 9090، "الكابتن الجوهرى قالنا إنتوا هتروحوا تتفسحوا وركبنا الأوتوبيس وطلعنا على طريق الإسماعيلية، ووصلنا فى نصف الطريق ولاقينا الأتوبيس بياخد طريق تانى، ولاقينا نفسنا وسط الصحراء والساعة كانت 7 الصبح".
وتابع "نزلنا من الأتوبيس والكابتن جوهرى، قالنا هتجروا لحد الجبل اللى هناك والرملة كانت سخنة جدا، وفضلنا نجرى لحد الجبل وبعدين طلعنا الجبل، وجمال عبد الحميد نزل الجبل دحرجة".
