تحدثت الإعلامية أسماء يوسف، خلال حلقة اليوم من برنامج "اقنعنى وأقنعك" المذاع على الراديو 9090، عن مسؤولية التربية على الأبوين واستعرضت بعض الجرائم التى ارتكبها بعض الأطفال مؤخرا.

وقالت أسماء يوسف، فى فقرة "كلمتين على جنب": "هنتكلم النهارده عن التربية، لأن اللى بنشوفوا فى الشوارع من بعض الأطفال حاجة مستفزة، بتضرب جرس الإنذار إننا عندنا مشكلة كبيرة فى التربية والأخلاق، ودى مسئولية الأب والأم إنهم قبل ما يخلفوا يعرفوا إن دى مسئولية كبيرة، ولو مش قدها يبقى بلاش، لكن متجيبوش عيال وتسيبوهم لنا مش متربيين".

وأضاف: "كان فيه واقعة تحرش بساحتين فى الهرم من قبل أطفال قبل أسابيع، ومؤخرا قبل أيام ظهر على السوشيال ميديا مقطع فيديو لطفل، خلص الامتحانات ومتعلق فى مروحة السقف فى الفصل وبيكسر فيها، وأيضا ظهر مقطع فيديو الأسبوع الماضى بتنمر 3 شباب على شاب من ذوى الهمم فى محافظة القليوبية وقيدوه وعذبوه، والنائب العام أمر بضبطهم، ودى نماذج لحالات مشافتش تربية".

وتابعت: "هل وصل بينا الهوس بالشهرة والترند إن الناس تعمل جرايم زى التنمر والضرب وخدش الحياء ويصوروها وينشروها بنفسهم على السوشيال ميديا؟".

وسألت أسماء يوسف فى فقرة البرنامج الرئيسية سؤالا للمستعمين: "بتعمل ايه فى الـ3 حاجات دول عشان تعيش مبسوط؟ بكبر دماغى فى المشاكل، ولا ببعد عن الناس السلبية، ولا بتعتزل الناس خالص؟"