قالت الإعلامية هند جاد، خلال برنامجها "حالة جديدة" المذاع على الراديو 9090، إن عنوان حلقة اليوم الإثنين "هل بتحب وظيفتك ولا مكمل فيها عشان مفيش غيرها".

وأضافت جاد، أن أغلب الأسر كانت تجد أن العمل الحكومى أو كما يطلق عليه البعض "الميرى"، مصدر الأمان عن الأعمال الحرة، مشيرة إلى أن النظرة للعمل الحر لم تتغير من سنوات الطويلة.

وأشارت جاد، إلى أن هناك وظائف "فرى لانسر" مؤخرا، مثل: "كاتب المحتوى، ومدخل البيانات" وغيرها من الوظائف، موضحة أن الموظف يسعى لتحقيق الاستقرار والأمان بشكل دائم، بينما موظف الفرى لانسر لا يشعر بالأمان بسبب عدم حصوله راتب ثابت وتعرضه للتوقف تحت أى ظرف.

وأوضحت جاد: "بعض الأشخاص يفضلون افتتاح عمل خاص، والمجازفة بخوض تجربة العمل الحر، والبعض يخاف من فقدان وظيفه.. ماشى بمبدأ عصفور فى اليد خير من 1000 على الشجرة".

وتابعت جاد: "ومن مميزات الشغل الحر.. أنه بتحقق اللى نفسك فيه داخل عملك الخاص بيخلق جواك شخصية قيادية ومسؤولة.. من الممكن البعض يرهبك من العمل الحر خصوصا لو الشغل هيكلفك مبلغ كبير شوية.. وأى حد ناجح بيبقى فى طبيعته مغامر لازم يكون ده نقطة فى دماغك".

واستطردت: "لما بتنجح بيبقى صاحب العمل الحر أقوى ومالك مصيره وبتختار الأوقات اللى تناسبك للشغل ولن تحتاج لمدير.. واللى بيشتغل شغل حر ممكن يكون الدخل أقل لكنه بيزيد مع الوقت.. وفى ناس مينفعش تبقى موظفين.. ويبقوا عندهم توقيت معين ويمشوا فى وقت معين.. هما قرارهم من دماغهم.. لازم تفهم أنت عاوز ايه.. وايه طبيعة شخصيتك؟.. وهل أنت صالح للوظيفة المتقدم ليها؟ وهل أنت صالح لكى تكون مرؤوس؟.. ومش بالضرورة تبقى عشان صاحب العمل الحر تبقى بتعرف تدير لأنها تحتاج لمعايير خاصة، ولكن يمكن أن تكون الشخصية الثانية فى العمل.