تحدث الدكتور محمد رفعت، استشارى طب الأطفال، عن العادات الشخصية السيئة لتغيير لون الجلد، أو ما يطلق عليه "التان".

وقال رفعت، خلال حلقة اليوم من برنامج "أجيال" المذاع على الراديو 9090، والذى تشارك فى تقديمه الإعلامية فاطمة مصطفى، إن إفراط التعرض لأشعة الشمس قد يسبب سرطان الجلد، مشيرا: "فى ناس بتدهن جسمها بألوان عشان تزيد غمقان الجسم.. للأسف ده أمر خطير جدا.. وكل اللى يقول إنه مش بيأثر على الجلد ده مش مظبوط.. وزى لما وضحنا أوقات الشمس بتبقى خطيرة فماذا عن المواد الكيميائية اللى بتوضع على الجلد".

وحذر استشارى طب الأطفال، من تقشير الجلد وعمل احتكاك بالأظافر فى طبقة الجلد الوليدة، موضحا أن هناك زيوتا تساعد فى تقشير آمن للجلد، بالإضافة إلى الابتعاد عن الخلطات غير الآمنة التى تؤثر على الجلد بشكل خطير.

وتساءل رفعت مندهشا: "أنا بستغرب بجد اللى عاوز يغير لونه.. وده بيخلينا نسترجع التاريخ.. زمان كان العبيد بتعمل فى الحقول وبيتعرضوا للشمس لساعات كثيرة وكان الأثرياء لا يرغبون فى التعرض للشمس للحفاظ على درجة بياضهم.. والآن انقلب الوضع عكسيا".