الطفلة ريما مصطفى
كشفت ريما كواليس ظهورها فى شخصية الطفلة المتنمرة فى العديد من الأعمال الدرامية، موضحة أن البعض اعتقد أنها متنمرة فى الحقيقة، رغم أن شخصيتها ليست كذلك، قائلة: "لما قدمت دور الطفلة المتنمرة فى (خلى بالك من زيزى) و(الكبير أوى 6) فى ناس اعتقدت إن أنا متنمرة فى الحقيقة وزعلوا منى، بينما ناس تانية عارفه إن ده تمثيل".
تابعت: "بس والله ده تمثيل.. وأنا مش عاوزاهم ياخدوا عنى انطباع إن أنا وحشة.. ولكن فى مسلسل (طير بينا يا قلبى) كنت ضد التنمر وبدافع عن اللى بيتعرضوا له".
وبسؤالها عن إجادتها لتقديم تلك الأدوار، قالت ريما مصطفى: "بابا هو اللى علمنى التمثيل هو ممثل مسرح بيمثل حلو أوى وأنا أخدت الموهبة دى منه.. وفى مشاهد التنمر قدام الكاميرا تخيلت إنى بغلس على حد بجد، وقعدت أعصب فى نفسى لحد ما جبت الشخصية دى".
