احتفالا بالفلانتين.. غادة رجب تعود بـ«كل الحب ده» (فيديو)

عادت المطربة غادة رجب، إلى جمهورها ومحبيها، بمناسبة عيد الحب، وطرحت أغنيتها الجديدة "كل الحب ده"، بعد فترة غياب طويلة عن الساحة الغنائية.

غادة رجب، نشرت فيديو ترويجى للأغنية عبر حسابها على موقع "فيسبوك"، قالت فيه: "كل سنة وأنتوا طيبين، وكل عيد حب وأنتوا بخير، استنوا أغنيتى الجديدة كل الحب ده فى عيد الحب".

أغنية "كل الحب ده" من كلمات أمير طعيمة، وألحان وتوزيع محمد عاطف الحلو. 

وتقول كلمات الأغنية: 

معقوله كل الحب ده.. هو أنا بحلم ولا إيه
مقدرش أنا على كل ده.. ده كتير عليا اللى احنا فيه
معقول بقيت ليا أنا.. شكلى حبيبى فى يوم دعيت
مفتوحلى فيه باب السما.. خليك هنا على طول ياريت

يذكر أن غادة رجب قالت عن غيابها: "غيابى كان بسبب الولادة والأمومة ولكن الشغل الحلو هو اللى بيفرض عليكى التواجد، لكن أنا عندى أغانى كتير والفترة الجاية هتنزل، وفى حفلات غنائية كمان".