أسما شريف منير
وظهرت أسما، وهي داخل صالون حلاقة وتمسك بالماكينة وتقوم بقص شعرها بنفسها، وعلقت: "شعري بقاله فترة بيقع جامد، ده غير أن من كتر العمايل اتحرق وبقي مش صحي خالص، غير الغدة وتأثيرها عليه، قررت أنفذ قرار كان بقالي كتير أوي نفسي أخده، أبدأ من جديد، أحرر نفسي، افتح صفحة جديدة، حقيقي هو قرار صعب جدا بس حسسني بقوة وتفاؤل".
وتابعت: "رميت ورايا حاجات كتيرة أوي بمجرد أني شلت شعري، قلبي كان بيدق جدا وبعديها حسيت أني مليانا أدرينالين.. خطوة جريئة ومرعبة بس حسيت أني طالعة منها بدري، عارفة أن في ناس كتير هتهاجمني بس أنا فارق معايا إحساسي بالراحة اللي أنا حساها دلوقتي.. عادي هيطول تاني بس الإحساس ده مش هحسه غير مرة.. بكرة هتشوفوا النتيجة الأخيرة".
أسما شريف منير، لم تكن الأولى التي تتخلى عن شعرها، فسبقتها النجمة شيرين عبدالوهاب بعد أيام قليلة من إعلان طلاقها من المطرب حسام حبيب.
ومن أشهر النجمات اللاتي تخلين عن شعرهن النجمة العالمية ديمي مور، التي فاجأت جمهورها بحلق شعرها "زيرو"، بسبب مشاركتها في بطولة فيلم "جي أن جين"، والنجمة أمبر روز، والنجمة جيسي جاي، والنجمة كاسي وناتالي دورمر.
