سمكة قرش.. اعرف تفاصيل مقلب «فؤش» في محمد لطفي

وقال محمد لطفى، خلال حلوله ضيفًا على النجمة والإعلامية إسعاد يونس، في برنامج صاحبة السعادة، والذي يذاع على قناة dmc الفضائية، إن فيلم "كابوريا" كان ناجحًا، وبعدها قدمت فيلم "ديسكو ديسكو" وأخذت وقت علشان الشهرة وتعودت على مدرسة الاختلاف التى وجهنى فيها الفنان النجم الراحل أحمد زكى.

وتابع: "فيلم "أمريكا شيكا بيكا" كانت محطتى اللى بعدها، وكان من الأفلام الرائعة واتصاحبت على الفنان محمد فؤاد وبطلع معاه للصيد وبعتبره أخويا ونفس الروح".

وأضاف محمد لطفى: "كل اللى اتقابلت معاهم أصحابى حتى الآن، ومحمد فؤاد بيعمل مقالب وحركات ديما، وفى أحد الأيام كنت معاه فى مركب برأس العش، وفجأة مسك سلك فى مروحة المركب ونزلت تحت الميه وشديت السلك، وبعد أن نزعت السلك كان فى ورايا دلافين، فاستغل فؤاد الموقف لعمل مقلب فيا وقالى: "إلحق يا لطفى فى سمكة قرش وراك".