صابرين النجيلي: عملنا مقالب في الناس وعاكسنا ست بصوت راجل وجوزها ضربها
صابرين النجيلي
وقالت صابرين النجيلى:"إخواتى شبهى، وخاصة صفاء، وكنا بنعمل مقالب فى الناس من 10 سنين، وعاكسنا كل الناس اللى بنعرفها، ومحدش توقع أن احنا اللى عملنا كده، ووصل الأمر إلى أن كان فى زوجين هيطلقوا بسبب المعاكسات دى"
أوضحت صفاء النجيلى، :"فى أحد المرات عاكسنا ست بصوت راجل وجوزها ضربها، ورحنا لهم علشان نوضحلهم أنه مقلب، وأخذنا أمنا معانا علشان نصالح الطرفين ومحدش يضربنا، وخلال الحلقة أعتذر الأشقاء الثلاثة لضحاياهم اللى عاكسوهم وعمل مقالب فيهم".
وخلال الحلقة قدمت منى الشاذلى فقرة صورة وأغنية، وفيها يقوم الثلاثى الأشقاء بتقديم أغنية حسب الصورة التى يتم عرضها على الشاشة.
وقالت صابرين النجيلى:"كتبت أغنية "قلبى دق دق" من 5 سنوات ولما لحنتها قلت هنفذها الأيام دى وكانت تريند لما قدمتها بالطريقة اللى ظهرت بيها، وكنا بنصور فى البيت أفلام واحنا صغيرين قبل ما تطلع التليفونات، وانا دايما المنتج والمخرج وكل حاجة".
أضافت صابرين :"أول أغنية قدمناها على التيك توك كانت هى "ع الكورنيش" للمطربة جواهر، لافتة إلى أن شقيقتها "صفاء" هادية عكس ما تظهر فى الفيديوهات اللى بنقدمها والناس بتسمينها فيتامين "ص" علشان أسامينا تبدأ بحرف الصاد.. وخلال الحلقة غنت صابرين النجيلى "إسمعونى" للفنانة وردة.
