صبا مبارك
نشرت صبا مبارك صورة لها، متجردة من ألوانها الحقيقية، ومستعيضة عنها باللون الأبيض والأسود.
وظهرت بالصورة وهى تنظر مباشرة إلى عدسة الكاميرا، وارتدت ثوبا أسود طويلا بلا أكمام.
كما علقت مبارك على صورتها كاتبة: "إذا كنت مليانة رح يحكوا ناصحة، وإذا نحفت رح يحكوا ضعيفة، وإذا عرضت حواجبك رح يحكوا متغيرة، وإذا الصورة من فوق رح يحكوا رأسك كبير".
ونصحت صبا باللامبالاة وعدم الاكتراث بما يقوله الناس عننا، إذ أضافت: "بدك تلبسى فستان، وتحطى كل المكياج اللى بالعالم؟ حطى، و افرحى وحسى إنك حلوة، وإذا قررت تلبسى جينز وتى- شيرت البسى وحسى إنك بسيطة، وإذا الكعب وجع أجرك البسى واطى حتى لو طولك مش 180سم".
وتابعت بنفس الإطار: "بدك شعرك كيرلى؟ ما أحلاك حتى لو حكوا غولة، بدك تسشوريه؟ ممتاز حتى لو حكوا ليش هيك عاملة بحالك كنت أحلى".
وأكملت مشيرة لبعض الانتقادات الشائعة التى يشكو الكثير من سماعها يوميًا: "حاطة فيلتر الورد وطالعة زى الحديقة؟ يا سلام.. حاطة فيلتر الكلب وطالع منه أدنين و لسان؟ كيوت وبتجننى..".
وأردفت ناصحة المرأة: "لكن لا تسمحى إنه حد يختصرك وتتلخصى بشكلك، معناته أنت صورة وبس، ويا ريت اسمحيلى ، هالصورة أكيد رح تتغير لأنه كل الأشكال بتتغير لأنه الوقت بيمر، والموضة بتمر، بالضبط زى ما الوقت بيمر على اللى عم يحكموا عصورتك، لكن لما ترفضى إنك تكونى صورة وبس، بتخلى إنجازك هو هدفك، وبتخلى أى تغيير فيك يكون للأحلى وللأحسن، من جوا لبرا الفكرة إنك مش صورة.. أنت روح".
وختمت صبا مبارك: "واللى منهم مفكر إنه صلح العالم، ومش باقى عنده غيرك لحتى يصلحه، ساعتها اعطيه من وقتك واسمعيه ، وإذا لاء ..ناوليه مرايه وخليه يصفن بحاله وبجماله.. امشى و ارفعى رأسك، كيف ما كنت وايش ما كان لونك أو طولك أو وزنك.. أنت حلوة".
