أورتيجا
فعلق أورتيجا على الصورة موضحًا: "عارفين دى؟ دى اللى لما قابلتها غيرت كل حياتى للأحسن.. مش نفاق علشان مراتى، وأم عيالى، لا، علشان هى تستحق كل حاجة حلوة فى الدنيا، والله من قلبى ويعلم ربنا".
كما أضاف السبب وراء عمق وشدة حبه لزوجته: "وقفتها جانبى فى شدتى، ومحنتى، وحزنى، وفرحى، حبها لى ولأهلى وللى حوليها، واحدة بتتمنى الخير لكل الناس قبل نفسها، دايمًا بتفكر لى وبتفكرنى بكل حاجة، ومش بتفكر فى نفسها، بتفكر ازاى تربى أولادها، ازاى تخلى حياتى منظمة، ازاى بتحاول تسعدنى... يعنى من الآخر الست دى تعبت معايا أوى".
وتابع أورتيجا معترفًا بفضل زوجته عليه: "وأنا نفسى أرد حتى لو حاجة صغيرة من اللى بتعمله معايا، بالعكس أنا مطلع عنيها، بس هى مستحملانى، وعلى طول مسامحانى.. يمكن الكلام ده مش كفاية أقسم بالله ما كفاية، بس عاوز أعملها أى حاجة تسعدها، حتى لو عملت برده مش كفاية...".
كما أردف أورتيجا،موجهصا رسالته إلى زوجته: "كل اللى عاوز أقوله... كل سنة وأنتِ معايا، ومعانا، وفى وسطينا، ومنورة حياتنا أنا ودودو ورورو، ويخليكِ لى وما يحرمنيش منك، وكلمة كل سنة وأنتِ طيبة قليلة عليكِ، واللى عاوزك تعرفيه كويس جدًا وأكيد أنتِ عارفة إنى بحبك أوى.. وراء كل رجل عظيم امرأة عظيمة، وأنتِ عظيمة".
