بشرى
وكتبت بشرى، عبر حسابها على "إنستجرام": "من مميزات قلة الشغل وطحنة التصوير هى إنك بتقدر تقابل أصحابك وزمايلك وتدخلوا السينما تشوفوا الأفلام وإنتاجات الغير مع بعض وتشجعوا الصناعة المحلية الوطنية خصوصا لما تبقى مصنوعة بحرفية و جودة".
وأضافت: "مما لا شك فيه إننا محتاجين أن النوعية دى من الأفلام تكون موجودة زى ما غيرها بيحاول يكون موجود.. تحية لكل الصناع والزملاء وعلى رأسهم المايسترو شريف عرفة على المجهود الرائع.. وبالمناسبة زميلى المخرج حسام الجوهرى وافق يصحبنى معاه لمشاهدة الفيلم رغم أنه شاهده قبل كدة".
وتابعت: "وأحب أقول لزمايلى الممثلين عدوا الجمايل.. بصراحة امتعتونا ومش مسامحاكو عشان موتوا زميل عزيز عليا.. مش هقول مين عشان تروحوا تشوفوا الفيلم.. الشىء اللى يفرح هو فرحة الجمهور والتصفيق فى مشاهد الانتصار الهامة و التفاعل الملحوظ والمفاجأة أن التصفيق جاء ليس فقط من الجمهور المصرى بل حماس شديد من جمهور الخليج الذى كانت تمتلئ به قاعة العرض".
جدير بالذكر أن فيلم الممر من تأليف وإخراج شريف عرفة، وشارك فى كتابة حوار الفيلم وقام بتأليف الأغانى الشاعر أمير طعيمة، ويناقش الفيلم المرحلة الزمنية بدءً من حرب 1967 وحتى اللحظات الأولى لحرب الاستنزاف.
