حسن الرداد وأمينة خليل فى فيلم توأم روحى
حرصت الفنانة أمينة خليل، على مشاركة جمهورها سعادتها بفيلمها "توأم روحى" المقرر عرضه الفترة المقبلة.
ونشرت أمينة خليل صورة أفيش الفيلم عبر حسابها الشخصى بموقع التواصل الاجتماعى "إنستجرام".
وعلقت أمينة على الصورة: "أنا متحمسة للفيلم ده فوق ما تتخيلوا .. شكر كبير أوى أوى للرجل العظيم أحمد السبكى، وكل آل السبكى اللى دعموا الفيلم ده .. شكر قد الدنيا للمخرج الفنان عثمان أبو لبن على مجهوده ورؤيته وحبه فى السينما".
وأضافت: "شكرًا للفنان المحترم الجميل الصديق حسن الرداد .. شكرًا للجميلة عايشة بن أحمد .. شكرًا لكل حد اشتغل على الفيلم ده بأى شكل .. من قلبى، يارب يعجبكم يا أحلى جمهور وتنبسطوا بيه وتفرحولنا".
وتابعت : "توكلنا على الله ... يارب يعجبكم الفيلم .. أنا الفيلم ده له مكانة خاصة جدًا فى قلبى .. يارب يسعدكم زى ما احنا كنا سعداء واحنا بنصوره".
فيلم "توأم روحى" بطولة حسن الرداد وأمينة خليل وعائشة بن أحمد والفنانة الراحلة رجاء الجداوى، وتاليف أمانى التونسى وإنتاج أحمد السبكى وإخراج عثمان أبو لبن.
