أصالة
وكتبت أصالة، عبر حسابها الشخصى على موقع "فيسبوك"، اليوم الإثنين: "بفكر من وقت صحيت شو قول وكيف عبر ومن وين رح لاقى كلام.. متلى متل الكل بكل شغف عم تابع هالحدث اللى هز كيان الأرض، بس أنا شوى زيادة لأنه بعض من هالكوكبة من المُبدعين بمجالاتهم المختلفة أصدقاء وأخوه وغوالى وشركاء نجاح".
وتابعت: "محمّد سعدى رجل ماصار متله بإخلاصه وتفانيه وإصراره على الوصول للدقة مهما كانت الظروف ومهما توسعت الدائرة ما بعتقد فيه حدا بينافسه باللى بيعمله، وصديقى الحبيب محمد عطية والهيستيريا الإبداعية بانتباه عالى وجمال بيغسل العين وقيادة لجميع الأركان بتشبه بالزبط، إدارة المايسترو نادر عباسى اللى مابيسمح لشى ياخد من انتباهه لوحه بيرسمها برقة وعذوبة وثقة تتماهى مع خيالنا عن هالتاريخ والصبايا يللى غنوا احترامى للاختيار شو هالجمعة الحلوة المُبدعة، وريهام عبدالحكيم الواثقة بطيبة وساحرة ببساطة ونسمة محجوب الجريئة الحلوة الممتعة وأميرة سليم شو حلوة وقفتها وبتشبه الحدث وغُناها أسرنى والسحر بالصورة النور اللى عم يضوى على أعظم تاريخ".
واستطردت قائلة: "الإضاءة اللى مالها كلمة تنقال عنها أقل من ساحرة كانت بقيادة أخى الحبيب مازن متجول اللى تفانى بعمله وبيستحق هالامتياز والملابس الراقية المُنمقة القيمة بقيادة الشاطرة الدؤوبة والصديقة العزيزة مى جلال وشريكها بالإبداع الصديق الحنون خالد عزام وبرجع للموسيقى اللى أكيد غير عادية بتشبه رحلة قطار حلو وقديم جوا جنات التاريخ واللى بيقدر عليها هشام نزية المجنون الغير طبيعى إطلاقًا والإخراج لعمرو عزيز المُبدع الأمين اللى ما بعتقد العين طبيعى حتشوف أحلى من اللى وصله وبدى أختم بهالرئيس العظيم المقدام المايسترو المُهم للحدث الأهم اللى وحد شعور كل العرب بالفخر والاعتزاز والفرح والتباهى بوقت واحد، تسلم بلدنا ويحفظ رئيسها عبدالفتاح السيسى، اللى خلى الحاضر والتاريخ توأم بيتشاركوا أجمل اللحظات بقيادته الحكيمة، شكرًا إلكم كلكم وبعتذر من اللى ما ذكرتهم بس ما زلنا بنتشارك الحياة واللى مانقال اليوم بينقال بكرة".
