فيديو.. عمرو أديب : أنا زهقت.. كل شوية تهنئة الأهلى يارب تكون آخر التهانى
الأهلى
وقال أديب: "أهنأ النادى الأهلى لتحقيقه السوبر السابع واليوم النادى الأهلى عمل مباراة عظيمة أنا بصراحة كنت اتفرجت على الشوط الأول ومكنتش متفائل خالص وكنت خايف، ولكن الأهلى قدر يتماسك فى الشوط التانى، وشريف جاب جون من ماركة عماد متعب، والولد ده مكسب حقيقى للأهلى وشريف وطاهر وكل لعيبة الأهلى رجالة".
وأشاد عمرو أديب بما فعله لاعبو النادى الأهلى مع رئيس النادى محمود الخطيب حيث حرص اللاعبون على إهدائه ميدالية الفوز بالبطولة :" كان فيه موقف أن كل اللعيبة وهى طالعة على منصة التتويج كانت بتقلع الميدالية بتاعتها وبتلبسها للأسطورة محمود الخطيب".
وداعب أديب، طارق قنديل عضو مجلس إدارة النادى الأهلي، قائلًا :" أنا زهقت هو كل شوية وده كتير كده"، ليسرد عليه قنديل: "يا باشا بالتعود هتبقى أهلاوى" ورد أديب: "تنحوا شوية سيبوا لنا دورى ولا كاس كده"، ورد عليه قنديل : "ربنا يديمها نعمة وأجواء ممتازة ".
وداعب " أديب" عضو مجلس إدارة النادى الأهلى، وطلب منه تهنئة الكابتن محمود الخطيب بالفوز بكأس السوبر ورد عليه قنديل "ربنا يديم تهانيك لينا دايما يارب" ليرد أديب :" إن شاء الله تكون آخر التهانى".
