عصام كاريكا
وقال عصام كاريكا خلال لقاء ببرنامج "8 الصبح"، على شاشة قناة "dmc"، اليوم الخميس: "أنا الزملكاوى الوحيد اللى بيلعب فى النادى الأهلى وبعمل حفلات هناك كمان، سواء فى فرع الجزيرة أو مدينة مصر، وبروح ألعب مع لاعيبة الأهلى القدامى أيام الأحد والثلاثاء الخميس أسبوعيا، ومواظب على كدة من 10 سنين".
وأوضح أن لديه العديد من الأصدقاء من نجوم النادى الأهلى، منهم خالد بيبو ومحمد عمارة ووليد صلاح الدين وهشام حنفى وزكريا ناصف، قائلا: "كلنا بنلعب مع بعض وأنا زملكاوى مش متعصب".
وتابع: "صعب تقاطع أهلك بسبب ماتش كورة، لاعيبة الكورة نفسهم صحاب، لو الأهلى والزمالك بيلعبوا مع بعض هتلاقى شيكابالا وأفشة بيتعشوا سوا مع بعض فى مكان بعد الماتش، لما هما مش متعصبين كدة أبقى أنا اللى متعصب؟ ملوش دعوة التعصب خالص ومش هنخسر بعض".
