إسعاد يونس
وقالت إسعاد إن النجمة العالمية صوفيا لورين حكت فى مذكراتها عن الرهان الذى دخلته مع النجم المصرى عمر الشريف لتمسك كل منهما برأيه فى جودة وعظمة "مسقعة" والدته، وهو الرهان الذى أجرى بالفعل من خلال مسابقة دعوا للفصل فيها زملاءهم وأصدقاءهم من الفنانين، مشيرة إلى أن "المسقعة" المصرى فازت بالرهان.
وأوضحت إسعاد أنه بالرغم من ذلك، فإن المسقعة أوروبية المنشأ، إذ إن المصريين القدماء لم يقبلوا على أكل الباذنجان ولم يستسيغوه رغم معرفتهم به، ولم يكن من الأصناف التى يفضلونها، ربما لاعتقاد خاطئ منهم بأنه يسبب بعض الأمراض.
وأضافت: أول ناس عرفوا "البتنجان" كانوا سكان شرق آسيا وكانوا بيسموه "البرنجال" وبعدين اتنقل لإيران وسموه "بدنجان" ومنها ع العراق وبعدين الشام.
ولما صلاح الدين الأيوبى دخل بيت المقدس قدّموله البتنجان وهو اللى سماه المقلوبة، ولما البتنجان دخل أوروبا ضافوا له الصلصة والتسبيكة وأكلوه سخن وساقع، وكلمة ساقع أصلها "صقيع"، ولما عرفناها فى مصر حطينا التاتش بتاعنا، وأضفنا بقى اللحمة المفرومة واخترعنا الفلفل وقطع الفراخ وكبد البتلو.
وده الحقيقة راجع لأننا فى مصر بنحب نصنع الأكلات اللى فيها إضافات كتير واللى بتبقى فى النهاية كأنها وجبة متكاملة، بس المسقعة مش أكلة رمضانية أوى، أو بمعنى أصح مش أكلة صيفىية أوى ولكنها أكلة شتوية بالأكتر.. ويدوم العز.
