إسعاد يونس
وقالت إنها اكتشفت فى رحلة البحث عن البسبوسة أنها والهريسة شىء واحد وأصلهما واحد.
وأوضحت إسعاد يونس: لما تمشى ورا الهريسة هتلاقى نفسك بتفتش فى 3 أنواع مختلفة من الأكل، أولها الهريسة العراقية، ودى زى العاشورا باللبن، والهريسة المغربية ودى بتتعمل من الفلفل الحار وزيت الزيتون، والنوع الثالث "الهريسة النبكية" ودى أكلة سورية الأصل وهى الأقرب للهريسة المعروفة، وبتتعمل من الدقيق والسمن والعسل والمكسرات وبتتشوى فى أفران حجرية مخصوصة، ويقال ان أصلها عثمانى واتنقلت لسوريا ومنها لكل الدول العربية.
وفيه كلام تانى انها فينيقية الأصل، وانها حلوى الملوك الفينيقيين، وده بيأكد انها سورية الأصل، وفيه حكاية تانية بتقول انها مصرية الأصل، وبتثبت وجود معجون الدقيق والسمن والعسل فى أناجر فخارية فى مقبرة توت عنخ آمون.
وبالنسبة للبسبوسة قالت يونس: كلام مش مؤكد ان تاجر مصرى راجع من سوريا وجايب معاه دقيق السميد والمكسرات ووصف لامرأته الهريسة السورية وازاى بتتعمل، ولما عملت زيها وريحتها طلعت جوزها فرح وحاول "يبوسها" فى المطبخ وكانت لسة مشغولة فاتحايل عليها وقال لها "بسّ بوسة" وفضل اسمها "بسبوسة".
