شاهد عمر كمال : كنا فاكرين الكورونا حاجة بتاخد وقتها بس طلع الموضوع كبير
عمر كمال
وأشار عمر كمال إلى أنه طُلب منه عمل فيديو لتوعية المواطنين بفيروس كورونا مع المطرب الشعبى رضا البحراوى، لذلك لجأوا إلى الطريقة الكوميدية، وقال : "بنقول للناس إننا شعب بنسييها على الله وربنا حامينا .. ونقول مش هنسلم ومش هنبوس مش هنحضن مش هناكل ونشرب مكان بعض وفى الآخر بنعمل ده".
وأضاف: "الفيديو نزل 10 دقايق وبعدها اتمسح من على الحسابات المتعلقة بينا، ولكن فيه ناس حملت الفيديو ونزلته، وإحنا منزلنهوش عشان الشهرة أو التريقة، إحنا لينا أهالى وإخوات وشغلنا واقف عشان الكورونا".
واستكمل كمال قائلا: "إحنا منقصدش الاستهزاء .. إحنا بنعتذر لو الفيديو ضايق حد أو باين أن إحنا بنستهتر أو بنتريق .. وياريت لو أى حد شاف الفيديو ميساعدش فى انتشاره".
وختم كلامه: "إحنا بنعتذر ومكنش قصدنا خالص .. كنا عاملين توعية كوميدية، وكنا فاكرين الكورونا حاجة بتاخد وقتها بس طلع الموضوع جد وكبير".
إنفوجراف : روشتة هانى الناظر .. 10 خطوات تحميك من كورونا
تقدم أيمن محفوظ المحامى، ببلاغ للنائب العام، بسبب ظهور مقطع فيديو لمطرب المهرجانات عمر كمال، والمطرب رضا البحراوى، وآخرين، للسخرية والاستهانة بكافة تعليمات مؤسسات الدولة، بشأن مكافحة وباء كورونا، وتحريض المواطنين على عدم اتباع تعليمات الوقاية من العدوى، لهدم الجهود الجبارة من كافة مؤسسات الدولة لمكافحة فيروس الكورونا.
وأضاف البلاغ، أن مقطع الفيديو ينبئ بأن مطربى المهرجانات عمر كمال والبحراوى، مستعدين لفعل أى شىء بغرض الشهرة، حتى إن كان ثمن هذا جثث أبناء وطنهم، والأخطر استهدافهم لفئة الشباب الأكثر تاثيرا فيهم، مضيفا أن الدولة تنفق الملايين للتوعية من خطر فيروس كورونا، ويأتى البعض لهدم كل هذا من أجل الشهرة.