عايزة أظهر زى ما أنا دلوقتى .. سوسن بدر : إبقائى على شعرى الأبيض ليس جرأة

قالت الفنانة سوسن بدر، إن إبقاءها على شعرها الأبيض قناعة وليس جرأة، حيث يعبر عن عمرها الآن، ويعكس طبيعة المرحلة العمرية التى تعيشها.

أضافت، فى تصريحات لها : "أنا معنديش فلسفة فى اختيارى للون الأبيض لشعرى، لأنها بتعكس سنى دلوقتى من 10 سنوات فاتوا كان شكلى مختلف دلوقتى شكلى اتغير، وكل الحكاية عاوزة أبان زى ما أنا".

وأضافت : "شكلى كده مش قلقانة من الشعر الأبيض ولا من خطوط السن وعلامات الزمن اللى تحت عينى، بالعكس دى بتعكس التجربة الحياتية اللى عشتها"، لافتة إلى أن الإنسان يوميا أول شخص يراه عندما يستيقظ هو نفسه، فلماذا نرى شخصا آخر غير أنفسنا يخالف طبيعتنا ؟!

وأردفت قائلة "تمسكى بشكلى الطبيعى ليس جرأة وإنما يمثل قناعة وهذه طبيعة السنين عندما تمر على البشر، والنهارده شكلى مختلف عن عشر سنوات فاتوا .. وبرضه نفس الشخص اللى بيقف دلوقتى قدام الكاميرا وبيعمل دور الأم  فى سن أكبر".