الرئيس عبدالفتاح السيسى
وقال الرئيس السيسى فى كلمته خلال المؤتمر الوطنى للشباب: "هسقف لكل واحد يقدر يحل مسألة لمصر، الكلام حاجة والعمل التنفيذى حاجة تانية، وده مش معناه أننا عملنا كل حاجة صح، أنت بتطالبنى بحاجات مش هقدر ألبيهالك، وفاكرنى متقاعس، طيب هتقاعس ليه، وأى طالب فى كلية الاقتصاد يتكلم فى السياسات الاقتصادية والنقدية ويحط الحلول ولكن التنفيذ هيكون بأفكار".
وواصل: "من منظور الإمكانيات المتاحة لا استطيع أن أوفر متطلبات وزارة الصحة طبقا للمعايير الطبية لكل المصريين والمواطنين، المصريون يحتاجون ضعف المستشفيات الموجودة والأطقم الطبية المتاحة حاليا، الرقم المطلوب مش موجود وهياخد فترة علشان يبقى متوفر بجهدنا كلنا وصبرنا كلنا".
وتساءل: "الأطباء مشيت من مصر علشان أنا مش بديله كويس، وراح يدور على فرصة تانية، وقولت لوزير التعليم العالى هنزود عدد خريجى كليات الطب لأنى ما اقدرش أمنع الأطباء من السفر".
وتابع: "فى أى تحدى أنت بتطالبنى بالحد الأقصى، وانا قولت كل اللى هتقولوا عليه هعمله، وكل ما يجمعنا مصلحة وطن، ولا أستطيع أن أقول لوزير الصحة أننى لا استطيع توفير المبلغ المطلوب لعلاج 105 ملايين مواطن مصرى وفقا للمعايير الطبية، وأحنا ما عندناش غير الأفكار اللى نواجه بها نقص قدراتنا".
ويعد المؤتمر ملتقى للحوار المباشر بين الدولة المصرية ومؤسساتها المختلفة والشباب المصرى الواعد الذى يطمح فى مستقبل أفضل لوطنه من خلال رؤية وطنية وتخطيط علمى وحوار بناء.
ويشارك فى المؤتمر عدد كبير من الشباب؛ يمثلون كافة شرائح وقطاعات الشباب المصرى من شباب الجامعات والرياضيين والمثقفين والإعلاميين وشباب الأحزاب وعدد من أعضاء مجلس النواب.
