لـ ست البيت.. طريقة عمل الكنافة بالقشطة

"الكنافة بالقشطة" أحد الأطباق الأساسية على مائدة المصريين فى أيام رمضان، لمذاقها الرائع، وفوائدها على الصحة، فى حال عدم الإكثار منها.

وفى السطور القادمة نرصد طريقة عمل الكنافة بالقشطة:

المقادير

1/2 كيلو كنافة

1 كوب سمنة سايحة

1/2 كوب سكر بودرة

طبقة الكريمة

3 أكواب لبن

2 ملعقة كبيرة نشا

2 ملعقة كبيرة دقيق

2 ملعقة كبيرة قشطة

1 ملعقة كبيرة سكر

الشربات

2 كوب سكر

1.5 كوب ماء

عصرة ليمون

طريقة عمل الكنافة بالقشطة:

كشفت الشيف خلود مراد، عن أفضل طريقة لعمل الكنافة بالقشطة، قائلة: "نطلع الكنافة من التلاجة نفرمها فى الكبة أو بإيدينا، وعلى مفرش سيلكون أو رخامة نضيفة بننزل الكنافية عليها السكر وندمجهم مع بعض كويس، ثم نضيف السمنة ونغلف الكنافة بيها كويس جدا".

 وتابعت: "فى صينية مقاس 28 أو 30 مدهونة سمنة كويس بننزل بنصف كمية الكنافة تقريباً المهم تكون طبقة رفيعة جدا، ونضغطها كويس فى الصينية ثم نضيف عليها طبقة الكريمة وهى سخنة، ونسيب الطبقة لحد ماتبرد".

وأردفت: "نضيف النصف الثانى من الكنافة أو لحد ماتغطى طبقة الكريمة، وتكون طبقة رفيعة، ثم نضيف طبقة خفيفة من السمنة السائحة بالفرشاة من على الوش".

واختتمت: "ندخلها الفرن على درجة حرارة 200 على الرف الأوسط وبتاخد من 30_35 دقيقة، لحد ماتاخد اللون الذهبى ونطلعها ونسيبها تهدا 10 دقائق تقريباً ثم نصب عليها نصف كمية الشربات البارد من فوق ثم نقلبها ونسقيها بالنص الباقى من الشربات من الجنب التانى، ثم نسيبها تهدا لحد ماتبرد قبل مانقطعها عشان الكريمة تطلع متماسكة".