صلاة الفجر
ومن المقرر أن يؤذن لـ صلاة الفجر اليوم في تمام الاسعة الـ 4.42 دقيقة بتوقيت القاهرة، في حين يكون شروق الشمس الساعة الـ 6.05 دقائق.
وكانت دار الإفتاء المصرية، قد نشرت تفسيرا لكيفية حساب زكاة الفطر هذا العام، وذلك بعد تحديدها بـ35 جنيها حدا أدنى للفرد.
وقال الدار في منشور لها عبر صفحتها بفيسبوك: حسبناها على القمح اللي هو نوع من الأنواع المذكورة في سنة سيدنا رسول الله صلى الله عليه وآله وسلم والخاصة بزكاة الفطر، بالإضافة إلى أنه غالب طعام المصريين بيتعمل منه العيش اللي هو وجبة أساسية وكمان بيدخل في أطعمة كثيرة جدًا.
طيب سعر أردب القمح كام السنة دي 2000 جنيه مصري من أحسن الأنواع، وأردب القمح فيه 150 كيلو جراما.. يبقى سعر الكيلو كام 13.33 قرشًا تقريبًا
طيب والزكاة أد ايه في القمح ( 2.04 كيلو، يبقى نضرب 2.04 كيلو في 13.33، يطلع الناتج ٢٧.١٩ جنيه مصري، ودار الإفتاء قالت إنه ٣٥ جنيه يعني زودت كمان عن الحد الأدنى بشويه، و٣٥ جنيه الحد الأدنى "يعني طلع أكتر من ٣٥ جنيه لو معاك ودخلك يسمح لك".
بس اللى مش هيقدر فأقل حاجه يطلعها عن الفرد ٣٥ جنيه.. طيب أنا شايف إن ٣٥ جنيه قليل مش هتعمل حاجه يبقى تطلع ما ترضاه نفسك وتحس إنه له قيمه لكن لا تقل عن ٣٥ جنيه ولا تلزم غيرك يطلع زيك لأن ممكن يكون غير قادر
كمان تقدر تطلعها فلوس لا تشتر بها شيء؛ لأن بعض الناس مفكره إن ناخد الفلوس نشتري بها أرز مثلا، لأ طلعها فلوس وربنا يتقبل منك
كمان يجوز إخراجها من أول رمضان لحد قبل صلاة العيد، ولو ما عرفتش فلا مانع إنك تطلعها يوم العيد لحد غروب الشمس ودا على مذهب الشافعية ومن وافقهم.
