دكتور مجدى يعقوب
انحصرت تغريدات المصريين من نشطاء "تويتر" فى بعض الزوايا التى تحمل رسائل عاطفية وعقلانية، منها الفخر بالدكتور مجدى يعقوب كجراح مصرى ناجح، والتباهى بإنجاب مصر دكتور بقيمته وقامته رفع اسمها عاليًا فى إنجلترا، بافضافة إلى التأكيد على وصول إعلان مؤسسته المتخصصة فى القلب وتركه لبصمة طيبة وإنسانية فى نفوس المصريين من خلال تكرار وترديد واقتباس عبارات قد ذكرت ضمن سياقه فضلًا عن مدح محتواه وهدفه.
ومن هذه التغريدات: "مجدى يعقوب مش مجرد جراح قلب معجزة، ولا حتى عالِم فى الطب، مجدى يعقوب منظومة نجاح كاملة فى كل حاجة، مصر محتاجة تستنسخ مئات النسخ من التجربة دى فى كل المجالات علشان تقوم"، و"يا حليلة!!! ده مصر بقى صوتها مسموع فى إنجلترا بقى.. مجدى يعقوب، ومحمد صلاح، وأنبا انجيلوس.. حلاوة ولادك يا مصر"، و"دايمًا بحس بشعور عظيم لما بشوف الدكتور مجدى يعقوب أو أى شىء يخصه والله".
كما كان هناك تغريدات أخرى، وهى: "اوعى تبطل حبك لى.. دا أحلى ما فيك الحنية.. إحساس قربك بيدفينى.. بيقوى فى قلبى ويحيينى.. إعلان دكتور مجدى يعقوب وحلاوته"، "أنا اتأثرت أوى وعيطت لما شفت إعلان مجدى يعقوب.. أنا كدة طبيعية ولا أوڤر؟"،"أحلى حاجة فى رمضان دا إعلان قلبى ومفتاحه.. إعلان مجدى يعقوب"، و"إذا لو حطيتوا صورة د. مجدى يعقوب أو د. محمد غنيم على طيارة مصر الطيران"، و"ربنا يكفيك شر المعيدة اللى لسه متعينة عملالك فيها مجدى يعقوب".
