خبيرة موضة توجه عدة نصائح للسيدات فى المصيف

ناقشت ميار قابيل، خبيرة الموضة مشكلة احتياجات الأسرة المصرية فى المصيف، وعلقت قائلة "فى حاجة ظريفة بحبها فى الشنط اللى بيكون ليها أحجام مختلفة بنقسم فيها حاجتنا وتقدر تحط فيها الست المصرية كل حاجة فى مكان معروف من غير ما تتوه عنه".

وأضافت قابيل، ضيفه برنامج "اظبط مودك" مع الإذاعية شيماء حافظ، "بحدد كل بند يخصنى وبقيس الحاجات قبل ما أخرج عشان ما أتفاجئش بحاجة إنها موش مقآسى هناك".

وأوضحت "بنزل المول وأشوف كاللى يناسبنى، الألوان والاستايلات، والحاجات اللى تناسب جسدى، ودا بالنسبة للناس اللى ممعاهمش حد يساعدهم فى مسألة الهدوم".

وتابعت "فى ناس بتروح البحر كأنها رايحة "فاشون شو" كعب عالى، و"فول ميكب" و"إكسيسوريز" بشكل بعيد عن الموضة تمامًا، ويجب أن تحافظ على ميزانية البيت وتستمتعى وترتدى المرأة "الشبشب البلاستيك"، وبلاش الفول ما يكب وتكتفى بـ"sun look".

وعن ما يرتديه الشباب علقت "الشباب ظراف وبيعملوا حاجة بسيطة، وبيلبسوا مايوهات ظريفة"، والسيدة المصرية لابد أن تختار الأشياء التى ستحتاجها فقط "موش أجيب كتر من حاجة وفى الآخر ما ألبسش غير نوعية واحدة بس".