الشاعر مجدي عبد الرحيم
فى اللحظة التاريخية الفارقة فى حياتك دى .. خليك بسيط .. وإعمل عبيط .. وإسمع كلامها وبس .. وطبق القاعدة المشهورة ( لا اس 5) ..لا ترد.. لا تجاوب..لا تناقش..لا تجادل ..لا تفتح باب للحوار .
إسمع وبس لان اى رد منك له إحتمالين:الأول إنك تتدبس يامعلم فى اى طلب للمدام..والثانى إنك ممكن ترفض طلبها وساعتها ممكن تقوم الحرب العالمية التالتة وتضيع الشقة ويخرب البيت.
علشان كده نفذ النصيحة إسمع بهدوء والآخر قول لها: حاضر ياقلبى هافكر وارد عليكى..هتقول لك:إنت لسة هاتفكر ياحبيبى،غير الموضوع وقول لها ايه الجمال دة..ايه الحلاوة دى..أنا جعان ممكن تحضرى لنا العشا.
وهيه طبعا علشان ليها طلب عند جنابك..هاتقوم تحضر لك أحلى عشا وأجمد أكل..من الآخر هاتظبطك..وإنت بقى إستغل الفرصة والوقت المتاح ده وممكن تفكر كويس فى الطلب بتاعها.
صديق عزيز كان راجع من الشغل قرفان لان المدير خصم له 5 ايام من المرتب..ولسه داخل من باب الشقة لقى المدام قاعدة مستنياه وأول ماشافت وشه.
قالت:جوزى جوزى فيه عربية لقطة ممكن تشتريها..أم سيد جارتنا جوزها هايبيع العربية بتاعتهم .. علشان هايشتروا واحدة جديدة..وأنا قلت لها إننا ممكن نشتريها.
طبعا حصلت معركة جامدة..لانه راجع نفسيته مش مظبوطه وزهقان من الشغل والزحمة والمواصلات والخصم..وهيه ماصبرتش عليه يرتاح حتى من المشوار..والنتيجة المدام راحت للمستشفى وهو راح السجن .
وطبعا عارفين إن الستات بتتعب فى البيت من الطبخ والكنس والمسح والغسيل وترويق الشقة والاهتمام بالأولاد ومساعدتهم فى المذاكرة..وخصوصا فى موسم الامتحانات اللى شغال اليومين دول.
وفيه كمان ستات بتشتغل الله يكون فى عونها..بتقوم الصبح على اذان الفجر تجهز الاكل بتاع الغدا وتصحى الاولاد وتشوف طلباتهم..وتروح الشغل فى الزحمة والمواصلات وترجع بدل ماترتاح تكمل طلبات البيت .
لكن برضه لازم الست تعرف إن جوزها مش رايح الشغل يتفسح ويشرب شاى وقهوة ويهزر مع زمايله .. والاخر يكبش فلوس ويرجع بيها على البيت.
ده فيه رجاله كتير شغالة شغلانتين بيطلع من الشغل الأساسى على الشغل التانى من غير حتى مايرتاح..بيواصل العمل ليل نهارعلشان لقمة العيش وتربية العيال.
واكيد يعنى برضه المدير بتاعه مش ملاك .. ممكن يزعق له مرة .. يخصم له من المرتب مرة .. يحرجه أمام زمايله مرة.. وفى النهاية إحنا بشر لحم ودم واعصاب.
هاتقول لى ياعم إنت راجل فقير وبتحكى عن الفقراء أمثالك اللى ساكنين المناطق الشعبية زى امبابة وبولاق الدكرور والزاوية الحمرا وباب الشعرية ومنشية ناصر.
طيب خد ياعم الحكاية دى عن صديق غنى جدا..طلع بلد عربى ليعمل هناك مدير عام فى مصنع كبير.. ينتج سلعة شهيرة جدا وكمان عالمية .. وكانت زوجته معاه وعايشين فى فيلا مستقلة.
رجع من الشغل فى الميعاد المعتاد اليومى مالقاش الأكل جاهز..فين ياهانم الأكل مافيش أكل..وهوعصبى جداغضب بشدة وقعد يزعق ويشخط ويكسرفى عفش الفيلا والآخر خرج بعد مابهدل الدنيا.
خد سيارته وطلع على البحر وقعد هناك لحد نص الليل..ولما نفسيته إرتاحت على الاخر..رجع البيت وجد زوجته أعادت ترتيب السكن افضل مما كان .. وجمعت كل الأشياء اللى كسرها فى اكياس خارج المنزل وجهزت العشاء وإنتظرت عودته.
دخل صديقى المنزل واسعده هذا المشهد وتناول العشاء وجلس يضحك معها..ويقسم بالله لم يعاتب كل منهما الآخر..وقد مرعلى هذه الحكاية اكثر من 10 سنوات وحتى يومنا هذا..هو لا يعرف حتى الان لماذ لم تعد زوجته الطعام..وهى لا تعلم حتى اليوم سبب إنفعاله الشديد.
نكته فى حكاية شاهدتها على الفيس واعجبتنى..قال ﺍﻟﻄﺒﻴﺐ ﻟﻠﺰﻭﺟﺔ ﻋﻠﻰ ﺍﻧﻔﺮﺍد: ﺯﻭﺟﻚ ﻳﻌﺎﻧﻲ ﺇﺣﺒﺎﻃﺎً ﺧﻄﻴﺮﺍً ﺑﺴﺒﺐ ﺍﻹﺟﻬﺎﺩ ﻓﻲ ﺍﻟﻌﻤﻞ ﻭﺍﻟﺒﻴﺖ..ﻭﺷﺮﺡ ﻟﻬﺎ ﻣﺎ ﻳﺠﺐ ﻓﻌﻠﻪ.
ﺩﻋﻴﻪ ﻳﺴﺘﻴﻘﻆ ﻭﻗﺖ ﻣﺎ ﻳﺸﺎﺀ..ﻻ ﺗﻌﺎﺭﺿﻲ ﺃﻗﻮﺍﻟﻪ.. ﺍﺣﺮﺻﻲ ﻋﻠﻰ ﺃﻥ ﻳﻈﻞ ﻓﻲ ﻣﺰﺍﺝ ﺟﻴﺪ..ﻭﺃﻋﺪﻱ ﻟﻪ ﻭﺟﺒﺎﺕ ﺧﻔﻴﻔﺔ ﻟﺬﻳﺬﺓ..ﻻ ﺗﺰﻋﺠﻴﻪ ﺑﺄﻋﻤﺎﻝ ﻣﻨﺰﻟﻴﺔ.
ﻻ ﺗﺜﻴﺮﻱ ﺟﺪﺍل ﺗﺎفه يزيد ﻣﻦ ﺇﺟﻬﺎﺩﻩ..ﺷﺠﻌﻴﻪ ﻋﻠﻰ ﻣﺸﺎﻫﺪﺓ المباريات ﺍﻟﺮﻳﺎﺿية ﻓﻲ ﺍﻟﺘﻠﻔﺰﻳﻮﻥ..ﻓﻲ ﺍﻟﻤﺴﺎﺀ ﻋﻨﺪﻣﺎ ﻳﻌﻮﺩ ﻣﺘﺄﺧﺮﺍ ﻛﻮﻧﻲ ﺑﺸﻮﺷﺔ ﻭﺣﻀﺮﻱ ﻟﻪ ﻋﺸﺎﺀ ﻓﺎﺧﺮﺍ.
ﻭﺍﺧﺘﺘﻢ ﻛﻼﻣﻪ ﻗﺎﺋﻼً: ﺇﺫﺍ ﺍﺳﺘﻄﻌﺖ ﺍﻟﻤﺜﺎﺑﺮﺓ ﻋﻠﻰ ﻫﺬﺍ ﺍﻟﻤﻨﻮﺍﻝ لمدة أسبوع فقط ﺯﻭﺟﻚ ﺳﻴﺴﺘﺮﺩ ﻋﺎﻓﻴﺘﻪ ﺗﻤﺎﻣا، ﻭﺇﻥ ﻟﻢ ﺗﻔﻌﻠﻲ ﺳﻴﻤﻮﺕ ﺑﻌﺪ ﺷﻬر.
وﻋﻨﺪﻣﺎ ﺧﺮﺝ ﺍﻟﺰﻭﺟﺎﻥ ﻣﻦ ﺍﻟﻌﻴﺎﺩﺓ ﺳﺄﻝ ﺍﻟﺰﻭﺝ ﺯﻭﺟﺘﻪ ﺑﺨﻮﻑ:ﻣﺎﺫﺍ ﻗﺎﻝ ﻟﻚ ﺍﻟﻄﺒﻴﺐ؟ ﺭﺩﺕ ﺍﻟﺰﻭﺟﺔ:هتموﺕ ﺑﻌﺪ ﺷﻬﺮ.
