عضو مجلس إدارة الأهلى: «عمرى ما هربت»

أعاد محمد الدماطى، عضو مجلس إدارة النادى الأهلى، فتح حسابه الشخصى على موقع التواصل الاجتماعى "فيسبوك"، الذى أغلقه فى وقت سابق بسبب الضغط العصبى، الذى مر به خلال الفترة الماضية.

وكتب الدماطى عبر حسابه على "فيسبوك": "قمت بإغلاق الفيسبوك قبل المباراة بأيام نظرًا للضغط العصبى اللى كنت عايش فيه، النهاردة وبعد الخسارة لازم أفتحه تانى عشان أشوف كل كلمة بتتقال لأنى عمرى ما كنت بهرب من حاجة، ومش موجود عشان أسمع عبارات إشادة بس، وربنا اللى يعلم أنا جوايا إيه من إمبارح".

كان فريق الترجى التونسى، نجح فى الفوز بدورى أبطال إفريقيا مستفيدًا من فوزه على الأهلى المصرى بثلاثية نظيفة، بعدما خسر مباراة الذهاب المقامة فى مصر بثلاثة أهداف مقابل هدف واحد.