على معلول
كشف معلول خلال اللقاء، سر الرقصة الشهيرة التى يؤديها عقب كل هدف يحرزه فى المباريات، لافتا إلى أن كل التأويلات التى ترددت حول تفسير هذه الرقصة غير صحيحة، سواء من قالوا إنها مكايدة للفرق المنافسة أو بعض المدربين أو تقليد للأخرين، لافتا إلى أن الأمر أبسط من ذلك بكثير، فهى مجرد رقصة يحبها ابنه "كريم".
تابع: "كل الحكاية إن فى مقطع فى أغنية ابنى لما اتفرج عليها عجبته فبقى يعملهالى، فأنا بقيت لما اجيب جول اعملهاله أنا كمان عشان افتكره بيها.. بس كده.. الأمر بسيط ولا أقصد مكايدة أو إغاظة حد.. بالعكس بحب وبحترم كل الناس ولو غلطت بعتذر فورا.. هى كلها ساعة ونص جوا الملعب وتخلص واللى يتبقالك العلاقات الطيبة بالناس".
وعن الفيديو الشهير الذى ظهر خلاله أثناء حديثه عبر الإنترنت مع نجله "كريم" من داخل الملعب بعد فوز الأهلى بدورى أبطال أفريقيا، قال معلول: "كريم ابنى عنده 4 سنوات، كنت بكلمه فيديو لأنى كنت واعده قبل الماتش إنى هجيبله الميدالية الدهب، والحمد لله جبتهاله.. أنا عندى ميداليات فى البيت وشاف الميدالية الدهب اللى اخدتها مع الصفاقسى التونسى فى نهائى الكونفدرالية وكانت مامته بتقوله إنى عندى ماتش مهم فجه قالى أن عايز ميدالية زى دى قولتله حاضر ولعبنا وكسبنا وجبتهاله فعلا".
