وائل عبد العزيز ومصطفى درويش
وكتب وائل عبد العزيز، عبر حسابه الرسمى بموقع "إنستجرام": "أنا لسه واصلنى حالا من بعض المعارف إن البوست ده منتشر وفيه ناس حست بشىء مختلف تجاه كلمه "صلِّ" ومتضايقين منها وفيه لوم عليا كبير مش فاهم سببه الصراحة".
وأضاف: "أنا قسمًا بآيات الله نمت 10 بليل وصحيت على الفجر أصلى، صليت وفتحت موبايلى قلت أبص شوية فيه قبل ما أنزل لقيت بوست مصطفى ومن غير تردد لقيت نفسى بقوله "صلِّ"؛ لأنى أنا الفترة اللى فاتت فعلا قبل رمضان كان نفس الأرق اللى كان عنده، الله يرحمه مصطفى وفعلا متعالجتش منه غير بالصلاة، وخصوصا آخر سجدة والتطويل فيها وبحس إنى برمى كل الطاقة السلبية على سجادة الصلاة".
وتابع وائل عبد العزيز: "عشان كده هى الكلمة الوحيدة الى جت فى دماغى حتى تلاقونى مرغتش كتير وكان ردى بكلمة واحدة جرب تصلى يمكن تنام"، مردفًا: "فعلا كلامكو جرحنى جدا لأن مصطفى اخويا وحبيبى وربنا وحده يعلم أنا كنت بحب له الخير ازاي.. عموما ربنا يرحمه ويغفرله ويهديكم ويهدى كل المسلمين أجمعين وشكرا".
جدير بالذكر، أن الفنان مصطفى درويش ظهر فى أربع مسلسلات فى رمضان الماضى كانت هى آخر أعماله، وهى "سره الباتع، إكس لانس، كامل العدد، تلت التلاتة".
