شريف مدكور ورضوى الشربينى
وأضاف "مدكور" خلال مداخلة هاتفية مع الإعلامية رضوى الشربينى فى حلقة برنامجها "هى وبس" المذاع عبر شاشة "cbc سفرة" قائلا: "القعدة مع مراد وعائلته وهما بياكلوا تفتح النفس جدا.. حماته ربنا يديها الصحة أكلها طعمه يهبل، ورشا الأكل بتعمله حلو أوى، ومراد وهو بيأكل وقعدته والأجواء اللى بيعملها اللذيذة تفتح نفسك.. ودى حاجة من عند ربنا"، وهو ماجعل مراد يقوم بتوجيه الدعوة لرضوى ومدكور لينضما إلى مائدته قريبا.
فيما قالت رضوى الشربينى، إنها ترغب فى تقديم الشكر على الهواء لشريف مدكور بسبب دعمه لها فى بداية مسيرتها المهنية، موضحة: "عايزة أشكر شريف مدكور على الهواء، لأن أنا أول ما دخلت CBC سفرة كنت مرعوبة وخايفة أطلع هواء أو أسجل، ولم يكن هناك أى شخص يعرفنى، ولكن شريف مدكور مدلى يده وقام بإستضافتى فى برنامجه بشكل راقى".
وأضافت: "عمل حلقة حلوة جدا ليا.. وسألنى على كل الحاجات اللى كان نفسى اتكلم عليها، رغم أننا مش متفقين.. وكم من الدعم والحب ولا نفسنه ولا قلب أسود ولا خوف".
ليرد "مدكور" بأنها تستحق كل خير، مضيفا: "إحنا أخوات وزملاء أنا بعزك جدا على المستوى الشخصى والإنسانى، أنتى تستاهلى كل الخير وأنتى عاملة حالة حلوة، كون الناس تبقى معاكى أو تختلف معاكى.. ولكن رضوى الشربينى عملت مدرسة فى شكل كرامة المرأة، حتى لو فى ناس بتنتقدك أو معاكى.. بس ليكى الحتة بتاعتك اللى صعب حد يخترقها أو يقلدها، ولو حد قلدك يبقى ماسخ"، وهو ما أكد عليه مراد مكرم أيضا.
اختتم حديثه: "كل واحد فينا له الجزء بتاعه، لو حد طلع عمل برنامج زى الأكيل، كله هيقول بيقلد مراد، لو حد طلع عمل برامج دايما مع الستات هيقولوا بيقلد رضوى، ولو حد عمل برامج ليها علاقة بالأسرة هيقولوا بيقلد شريف.. فنعمة وفضل أن كل واحد فينا عنده الجزئية بتاعته".
