فتة المكرونة
لو كنتِ تبحثين عن طبق ساخن وشهى، نقدم لك طريقة عمل فتة المكرونة.
المقادير:
1 كيس مكرونة 400 جم
1 بصلة متوسطة مقطعة قطع صغيرة
1 معلقة صغيرة كركم
1 معلقة صغيرة كارى
1 ليمونة
1 عود قرفة
½ معلقة بهارات
¼ كيلو لحمة مقطعة قطع صغيرة
ملح وفلفل
3 كوبايات مية كبيرة
الطريقة:
- نشوح اللحمة وننزل عليها المية شوية شوية لحد لما تستوى، وبعدين نشيلها على جنب
- نشوح البصلة فى معلقتين زيت، وبعد ماتدبل شوية، ننزل عليها الكركم والكارى وعود القرفة والليمون والبهارات والملح والفلفل ونقلبهم مع بعض.
- ننزل عليهم ½ كوباية مية ونخليهم يغلوا مع بعض كويس جدا، وممكن نضيف معلقة صلصة.
- نضيف اللحمة وبعدين ننزل عليهم المكرونة المسلوقة وتتقدم.
وبالهنا والشفا.
