فطارك من الآخر
التومية
"بتتعمل بطريقتين، طريقة ببياض البيض وطريقة بالبيض.. نحط الزيت فى الثلاجة 3 ساعات.. فى الخلاط نحط الـ3 بيضات ونحط عليها راس التوم والخلاط شغال ننزِّل عليها الزيت الساقع سِنَّة سِنَّة ونحط ليمون وعليه ملح أو ملح ليمون.. الزيت يبدأ يربط وبعد كده يدينا التومية".
المكرونة المحمرة
"بناخذ المكرونة الصغيرة وبنحط شوية سمنة وزيت ونحمر المكرونة ونقطع بصلة ونحطها على المكرونة وواحدة فلفل وبعد كده ننزل بالشوربة أو المية وبعدين ملح وفلفل، ونسيبها لحد ما تستوى".
"وبعد ما نعمل المكرونة ناخد نصف كيلوا لحمة حمرا مع نصف كيلو لحمة ملبسة ونفرمهم وشين، ونحط عليها ربع كيلو برغل منقوع قبل ذلك بساعتين بعد ما نعصره نأخدوا وش مع نصف اللحمة الأول، والوش التانى نحط شوية كربوناتو أو بودر وأربطهم وأقوم مكورهم.. وأجيب كيس تلاجة وألف الكورة فى قلب الكيس وأبططها وبعدين نحطها فى الفريزر ربع ساعة".
الفراخ البانية
"بجيب البقسماط وبطحنه وبرش عليه شوية شطة وفلفل أسمى وشوية دقيق وببشر بصلة وباخد المياه بتاعتها مع شوية مسطردة وأحط عليها البيض وأخلطهم كلهم وبعدين نحمَّرهم تطلع بانيه كويسة".
