إسعاد يونس
وقالت إسعاد يونس: "توم آتى معناها مدينة الماء، لما النيل بيقابل البحر الأبيض المتوسط، وأهمية المدينة، ترجع لموقعها المتميز وتغير اسمها إلى دمياط، والميناء الموجود هناك خلق سوق مصانع أثاث والتجار خلوها ملتقى لتداول سلع عديدة".
وأضافت: "كانت الحاجات اللى بتيجى من الشام الحلويات، والدمايطة عدلوا وطورا فى شكل الحلويات وعملوا المشبك، المسجل باسم مصر، وأشهر برامج الطبخ فى الخارج طريقة عمل المشبك الدمياطى".
وتابعت إسعاد يونس: "اللى يروح إسكندرية ودمياط وطنطا يلاقى الحمص والحلاوة والمشبك أساسى".
واستطردت إسعاد يونس: "طنطا فيها السيد البدوى، وناس كتير بتروح عشان تزور، وتحتفل بالمولد، المعروف بالحمص والحلاوة، وطنطا اشتهرت بالمشبك، خصوصا الدسم البلدى".
وتابعت إسعاد: "وفيه حاجة اسمها المشبك السورى، ملوش علاقة بالمصرى من قريب أو بعيد، واسمه مشبك عشان حاجات بتشبك فى بعض، وهو أقرب لبلح الشام".
وأكملت إسعاد يونس: "المشبك بتاعنا التشبيكة بتكون فى المكون ذات نفسه، وهو مش أكلة رمضانية نتيجة لاكتساح الكنافة والقطايف".
