البث المباشر الراديو 9090
محمد عبد المنعم
علق محمد عبد المنعم مدافع النادي الأهلي والمنتخب الوطني، على مشروع "كابيتانو مصر" خلال زيارته لمعسكر الموسم الثاني من برنامج اكتشاف المواهب الكروية.

وقال محمد عبد المنعم خلال زيارته معسكر "كابيتانو مصر": "كابيتانو مصر مشروع كويس جدًا ويلم المواهب من الجمهورية كلها، كل اللاعيبة بتشتغل وكل الإمكانيات متاحة ليهم لتقديم حاجة كويسة".

وأضاف: "مبسوط إني موجود هنا والفكرة جميلة وتطور كبير جدًا"، وكشف مفاجأة كبيرة أنه كان يلعب مهاجمًا في فترة الناشئين قبل أن يتجه لمركز قلب الدفاع.

وأوضح: "كنت عندي 10 سنين وبنلاعب فريق من برة، والمهاجم بتاعهم كان قوي جدًا، والكابتن خلاني ألعب عليه مان تو مان وعملت ماتش حلو أوي، ومن وقتها بقيت مدافع وقعدت أعيط علشان عاوز أكمل مهاجم لكن بقيت مدافع".

وتابع: "في كأس الأمم الإفريقية أكرم توفيق اتصاب ونزلت ظهير أيمن ومكنتش عاوز ألعب في المركز ده برضه، وكان مستر كيروش مقتنع بيا جدًا واسمي مكانش معروف، واداني الثقة واتكلم معايا ومكنتش كويس أول ماتش".

ولفت: "الماتش اللي بعده اتصاب الونش لعبت مساك، واتمسكت بالفرصة لازم تحط بصمتك ولقيت الأهلي بيكلمني وأنا لسه في البطولة إني رجعت ورحنا على مونديال الأندية على طول".

وكشف عن اللاعب الذي يتمنى انضمامه للأهلي من صفوف نادي الزمالك، مؤكدًا أنه يتمنى انضمام أحمد سيد زيزو، وأحمد فتوح.

وعن كواليس هدفه في شباك الوداد في نهائي دوري أبطال إفريقيا، قال: "قولت لعلي معلول في كذا ركنية ألعابها على العارضة الأولى، وفي الضربة دي رحتله قولته ألعابها وما لكش دعوة، بعد الجول مسكته قولته مش قولتلك".

تابعوا مبتدا على جوجل نيوز




آخر الأخبار