إيناس عز الدين
وقالت: "والله صدقونى دور برد .. كأنى عندى هبوط وعلقت محاليل، أنا واخدة الموضوع ببساطة .. بحاول أبقى معاكو لايف عشان أطمن الناس المرعوبة .. يا جماعة حرصوا على أد ما تقدروا، لكن الخوف مش هيمنع القدر".
وتابعت: "تعبت تعب عادى ده فيروس .. يعنى آخرتى هتيجى على أيدين فيروس مش متشاف أكيد لأ أنا أقوى".
وظهرت حتى تحاول تخفيف ما بداخلها من آلام وتطمئن الجمهور: "مش عايزة أتفه الأمر أبدا وفى نفس الوقت مش عايزه أخليه مخيف".
إنفوجراف : روشتة هانى الناظر .. 10 خطوات تحميك من كورونا
وشكرت إيناس جمهورها لمساندتهم لها فى أزمتها، قائلة : "أنا من إمبارح للنهاردة أنا مبكيتش من التعب، بس أنا دموعى نزلت من رسايلكو واتصالاتكوا ومن كلمة حلوة طالعة من القلب سواء من اللى يعرفنى أو اللى ميعرفنيش .. دموعى كانت بفرح مش بحزن أو بوجع".
واستكملت كلامها قائلة: "بحاول أرد على كل التليفونات عشان أسمع منكوا الكلام اللى يرفع من معنوياتى بالرغم من الألم اللى فى صدرى .. واللى عارف إيناس عارف إنها مش بتطلع تعمل شو بدمعة من عينيها .. أول مرة أبكى من الفرحة من الرسايل والتعليقات".
وذكرت إيناس رد فعلها من تعليقات وكلمات الناس: "النهاردة أسعد يوم فى الحياتى لما أشوف الدعوات والكلام الحلو ده .. أيا كان اللى كان أنا استكفيت من الدنيا بس أنا عايزة أعيش شوية كمان عشان أخد حب كمان من الناس".
وردت على التعليقات السلبية لمتابعيها لكونهم معتقدين بأنها تتظاهر بمرضها، وقالت: "هو المرض والتعب فيه شو .. هم يبكى وهم يضحك .. بس أنا مبسوطة الأزمة خليتنى كسبت ناس".
ووجهت الشكر لوزارة الصحة لسرعة استجابتها لمكالمتها: "أنا أد الابتلاء .. ولازم اعترف إنى بشكر وزارة الصحة وقت ما استنجدت .. فى أقل من نص ساعة كانت الإسعاف عندى ونازلة على رجلى ومحصليش إغماء أو ترجيع زى ما الناس بتقول".
وأنهت كلامها بتقديم نصائح متعددة لجمهورها: "أوعوا تتفهوا الأمر وحرصوا جدا جدا ولكن بدون رعب .. واهتموا بفيتامين سى وفيتامين دى .. افتحوا شبابيك بيتكوا .. وكلوا فواكه زى البرتقال والليمون والجوافة والكيوى والخضار واستبدلوا المشروبات الباردة بالدافئة".
