تميم يونس
وأوضح تميم أن هدفه من الأغنية ليس التحريض على العنف ضد المرأة ولكنه رغب فى نقل الحقيقة داخل العلاقات بالمجتمع المصرى.
وقال تميم: "أنا مش مغنى .. أنا بعمل كوميدى من سنين، واللى خلانى اعمل اغنية أنتى أى كلام وسالمونيلا، إنى اطلع حاجة محدش اتكلم فيها فى اطار كوميدى .. والكوميدى ممكن يخرج برا الاطار التقليدى .. ومن ناحية تانية أطلع الحقيقة المرة اللى بتتكلم عن العلاقات فى مصر بشكل محايد".
وتابع تميم وقال: "أنا من جوايا كنت قاصد الناس تتكلم ويبقى رأى عام"، كما قدم اعتذارا للجمهور: "بعتذر للجمهور اللى كان حاببها .. وبعتذر لأى حد اتأذى بسببها".
وأضاف: "ناس كتير هتقولى ليه عملت كده، وكده غلط مكنش ينفع، لكن لو أنا صح بنسبة 50% وغلط بنسبة 50%، أنا متنازل عن الـ50% بتاعتى، علشان ميكونش حد شايف إن أنا سبب من أسباب العنف ضد الستات".
واختتم تميم كلامه قائلا: "فى الظروف اللى احنا فيها .. لو ده هيبين أن الستات تقدر تغير حاجة .. يبقى الستات شالت سالمونيلا ومبروك عليكوا".
إنفوجراف : روشتة هانى الناظر .. 10 خطوات تحميك من كورونا
"سالمونيلا" هى أغنية ذات طابع كوميدى، من كلمات وإخراج تميم يونس، ومن توزيع محمد زهير ومحمد الفرة، وشاركه الفنان محمود العسيلى.
وتعد سالمونيلا ثانى أغانى المخرج تميم يونس، وطرح العام الماضى أغنيته الأولى، التى أحدثت ضجة حينها حيث تكونت الأغنية من جملة واحدة فقط ضمت ثلاث كلمات وهى "إنتى أى كلام" وهى من كلمات تميم يونس وإبراهيم إسلام ومحمد حمادى وندى عادل وعمرو حديد ومحمد فؤاد ومحمود حمدى ولبنى أنور وباسم جاد، وتوزيع موسيقى وائل علاء وإخراج تميم يونس.
