الدفاع عن النفس
التحرش لا يعد خطأ من الفتاة مهما كان ملبسها أو مظهرها.. التحرش الجنسى خطأ المتحرش الذى قرر ارتكاب جريمة، لذا يجب عدم السكوت عن هذه الجريمة، لأن السكوت يعطى للمتحرش الحق فى أن يرتكب جريمته في أى وقت وأى مكان.

استمرارًا لحملة "افضح متحرش" التى تبناها "مبتدا" لمواجهة هذا الوباء "التحرش".. يقدم "مبتدا" أهم الطرق للتصدى للتحرش ومواجهته، كما تنشرها صفحات ومواقع الحملات التى تحارب التحرش.
أهم طرق مواجهة التحرش:
ردى واتكلمى بصوت عالٍ وقولى: "لا" لو اتعرضتِ أو اتعرضتْ بنت قدامك للتحرش، ممكن برضه تطلبى المساعدة من الناس اللى حواليكِ فى الشارع.

ساعدى أى واحدة تعرضت للتحرش.

بلغى عن اللى حصل لك أو اللى حصل قدامك فى رسالة قصيرة على 6069.

ابتدى جلسات دعم نفسى مع مؤسسات متخصصة مثل مركز "النديم".

خدى درس دفاع عن النفس، لمساعدتك فى التصدى للتحرش والاعتداء الجنسى لو حصل لك أو حصل لغيرك.

تطوعى فى واحدة من المبادرات اللى بتحارب التحرش الجنسى مثل "خريطة تحرش" أو "شفت تحرش".

كلمى المارة اللى شهدوا على التحرش اللى حصل لك.. عاتبيهم واحرجيهم لعدم تدخلهم.

اعملى محضر فى قسم الشرطة ده حقك وفيه قوانين ممكن تستخدم لإدانة المتحرش، تابعى الصفحة دى عشان تعرفى معلومات أكثر عن كيفية عمل محضر، أو اتصلى بنظرة للدراسات النسوية "01011910917" للدعم القانونى المجانى.

اتكلمى عن اللى حصل لك مع أصحابك وعائلتك، أو اكتبى على الفيسبوك وعلى تويتر، محتاجين كل الناس تعرف حجم المشكلة وإنها بتحصل لكل الستات والبنات اللى حواليهم.

ماتتنازليش عن حقك لما حد ينتهك جسمك أو مساحتك الشخصية.. خدى موقف إيجابى وواجهى التحرش.

حملة "افضح متحرش"..
اقرا أيضًا
صور| التحرش وأفظع طرق العقاب عالميا.. ساهم معنا فى حملة «افضح متحرش»
فيديو| حملة «افضح متحرش».. «التهزيق والضرب» هو الحل
فيديو| حكايات من دفتر أحوال العقيد نشوى
فيديو| مواطنون: فضيحة المتحرش واجبة
فيديو| للبنات.. أشهر طرق التحرش.. «متركبيش مواصلات»!
صور| «خليكى إيجابية».. شاركِ فى حملات التحرش
فيديو| التحرش بالرجال «موضة».. و«الضرب والشتيمة» النتيجة
فيديو| «التحرش والإعدام العلنى» عقوبة المتحرش!